Restoran Krojet

Lazanja me perime

2012-02-08T02:12:00.001-08:00

Lazanja me perime eshte nje alternative e shkelqyer e lazanjes klasike bolonjeze me ragu', teper e shijshme dhe jo shume kalorike. Mos u kufizoni ne zgjedhjen e perimeve; shtoni apo hiqni çfare te deshironi nga ato qe ne iu propozojme.

Perberesit per 8 persona
500gr peta lazanje te fresketa

1l salce beshamele sipas recetes qe do ta gjeni ketu

Per mbushjen:
2 qepe
1 kungulleshke te madhe
1 karrote
1 patellxhan
1 spec te madh
2 domate mesatare
300gr kerpudha champignon
1 luge ullinj te zinj te prera ne copeza
djath kackavall i grire
vaj ulliri
kripe
piper
borzilok

Ziejme per 3-4 minuta petet e lazanjes ne nje tenxhere me uje te valuar, kripe dhe nje luge vaj ulliri dhe i vendosim mbi nje pecete per t'i thithur ujin e tepert. Ne rast se ne konfeksionin e lazanjave sugjerohet te mos zihen paraprakisht, mundohemi te pregatisim salcen beshamele dhe mbushjen e lazanjave pak me te lengshme se zakonisht.

Fillojme me pregatitjen e mbushjes duke kaverdisur ne vaj ulliri qepet e grira shume holle (ose te kaluara ne mikser) dhe te gjitha perimet e prera ne kubik te vegjel, pervec ullinjve dhe domateve te cilat i shtojme ne minuten e fundit. E rregullojme perberjen me kripe, piper dhe pak borzilok dhe e gatuajme ne kete menyre derisa te gjitha perimet te zbuten duke shtuar pak uje apo leng perimesh. Shtojme ne fund edhe ullinjte e copetuar imet dhe domatet te kaluara ne mikser duke i perziere te gjitha bashke.

Pregatisim edhe salcen beshamele sipas recetes qe do ta gjeni ketu duke respektuar dozen e perberesve ne kete recete.

Perime të gratinuara me salcë beshamelë

2012-02-08T02:05:00.001-08:00

Kjo recete eshte nje alternative e shkelqyer per te shoqeruar te gjithe llojet e mishrave, apo thjesht per t'u konsumuar si pjate e vecante ne ditet e nxehta te veres. Mos u kufizoni ne zgjedhjen e perimeve; mund te shtoni apo te hiqni cfare te deshironi sipas preferences apo stines ne te cilen ndodheni.

Perberesit per 4 persona

500gr perime te stines nga te cilat: karrota, lulelaker, brokoli, patate, kerpudha, qepe, kungulleshka, speca etj
300ml salce beshamele sipas recetes qe do ta gjeni ketu100gr gjalp
djath kackavall te grire

Si fillim, presim ne feta, ne kubik apo alla juliene perimet dhe i ziejme ne uje te valuar me kripe per disa minuta derisa te zbuten, por jo plotesisht. Duhet te kemi parasysh qe do te gatuhen edhe ne furre per rreth 20 minuta.

Nderkohe pregatisim salcen beshamele sipas recetes qe do ta gjeni ketu, duke perdorur vetem 300ml qumesht, 1 luge miell, pak gjalp, kripe dhe arre moskate.

Kur perimet te jene ziere, i kullojme mire, i vendosim ne tave dhe shtojme siper gjalpin e prere ne copeza te vogla. E sperkasim siperfaqen me salcen beshamele dhe djathin kacakvall te grire dhe e pjekim taven ne furre te parangrohur ne 200°C per rreth 20 minuta, apo derisa ne siperfaqe te jete formuar nje kore e arte.

Salcë Beshamel

2012-02-08T02:02:00.001-08:00

Salca Beshamel, ose nqs duam ta therrasim ne emrin autentik "la sauce à la Bèchameil" eshte pa diskutim salca me e perdorur ne France, vendi i saj i origjines. Krijuesi ka qene markezi i Nointel, Louis De Bechamel i cili e propozoj i pari kete recete ne shekullin XVIII. Ajo mund te perdoret per ti dhene shije lazanjave, kanelonit, por edhe mishit, peshkut e perimeve te ziera. Edhe ne recetat shqiptare kjo salce ka gjetur nje perdorim relativisht te gjere psh tek pastiço, musakaja etj.

Per 1 liter salce beshamel
1 liter qumesht
100gr miell
100gr gjalp
pak arre moskat
pak kripe

Per te pregatitur beshamelen si fillim vendosim ne zjarr te avashem gjalpin, e leme te shkrije dhe hedhim pak nga pak miellin duke e perziere perberjen ne menyre energjike per disa minuta qe te mos formohen kokerriza. Keshtu kemi perftuar ate qe francezet e quajne roux [ru].

Heqim roux nga zjarri dhe i shtojme pjese pjese qumeshtin e ngrohte duke e perziere me nje luge druri.

E vendosim perseri tiganin ne zjarr derisa salca te filloj te zieje dhe ne kete moment i hedhim pak kripe dhe pak arre moskate. E mbulojme me kapak dhe e leme te zieje ne zjarr te avashem per 15 minuta duke e perziere here pas here derisa te arrije trashesine e deshiruar.

*Keshille: Kur pregatisim beshamelen (sidomos nese jemi fillestar) eshte mire qe gjalpin dhe miellin te mos i perziejme mbi zjarr: mielli ka vetine te skuqet shume shpejt duke formuar kokrriza te cilat jane shume te veshtira per tu tretur. Prandaj heqim nje moment tiganin nga zjarri, shtojme miellin, e perziejme derisa te shkrihet ne gjalp dhe me pas hedhim qumeshtin duke e vendosur serisht ne zjarr te avashem.

Sipas recetes qe po pregatisim, bashke me qumeshtin mund te shtojme edhe leng perimesh nqs duam te shoqerojme keto te fundit me salce, apo ereza te ndryshme nqs duam te shoqerojme mishin ose peshkun.

Serisht sipas kerkesave te recetes kryesore, salca beshamele mund te behet me e trashe duke shtuar me shume miell apo me e holle duke shtuar me shume qumesht.

Puding me vanilje

2012-02-08T01:45:00.001-08:00

Pudingu me vanilje eshte nje nga embelsirat klasike me luge me te njohura dhe me te lehta sidomos ne stinen e nxehte te veres qe po afron. Pse te blejme pudingun e konfeksionuar qe permban konservante apo ngjyrues, kur ne fare pak kohe mund te pregatisim nje embelsire te shendetshme per te gjithe familjen tone?

Perberesit per 4 persona
350ml qumesht me shume yndyre
200ml pana te lengshme per embelsira pa sheqer
4 te verdha vezesh te fresketa
100gr sheqer
9gr xhelatine pjeshke
1 bustine vanilje

Per pregatitjen e pudingut me vanilje, fillimisht vendosim fletet e xhelatines se pjeshkes te zbuten ne nje ene te vogel me uje te ftohte per rreth 15 minuta.

Nderkohe ne nje tenxhere te vendosur ne zjarr mesatar, hedhim qumeshtin dhe panen e lengshme, shtojme vaniljen pluhur dhe e leme derisa e gjithe masa te nxehet, por te mos arrije piken e vlimit. E heqim nga zjarri dhe shtojme xhelatinen e shtrydhur mire duke e perziejme me luge druri derisa kjo e fundit te kete shkrire plotesisht.

Ne nje ene te thelle rrahim me ndihmen e nje rrahesi elektrik te verdhat e vezeve me sheqerin, dhe gjithmone duke e perziere shtojme dalengadale masen me pana dhe qumesht. E hedhim perberjen e perftuar ne nje stampe te madhe per puding, apo ne kater stampa te vogla dhe e leme te ftohet ne frigorifer per te pakten 4 ore perpara se ta konsumojme.

Ne momentin e servirjes se pudingut, e vendosim stampen per pak minuta ne uje te nxehte ne menyre qe te shkeputet sa me lehte nga anet, dhe e permbysim ne nje pjatance. E sherbejme te prere ne feta dhe te shoqeruar me pak pana te rrahur apo me fruta te fresketa.

Burani me spinaq

2012-02-08T01:34:00.001-08:00

Burania me spinaq eshte nje pjate tradicionale e kuzhines vegjetariane Shqiptare nga Gjakova e cila konsumohet vecanerisht ne stinen e veres. Mund te pregatitet me mish (psh mish pule) apo pa mish, qe eshte pikerisht receta qe po iu paraqesim me poshte:

Perberesit per 4 persona
300gr oriz kokerrgjate
500ml uje
1kg spinaq i fresket
2 qepe te njoma
2 thelpinje hudher
majdanoz
koper
kripe
vaj ulliri

Si fillim, pastrojme dhe lajme shume mire spinaqin nen uje te rrjedhshem, e presim holle dhe e pervlojme ne uje te valuar me kripe per 5-10 minuta.

Ne nje tenxhere, kaverdisim ne vaj ulliri qepet e njoma te prera holle per rreth 5 minuta, shtojme thelpinjte e hudhres te grira, orizin dhe i perziejme mire te gjithe perberesit. Shtojme edhe uje derisa e gjithe masa te mbulohet, e rregullojme me kripe dhe e leme te zieje per 10 minuta. Pasi ka kaluar kjo kohe, shtojme edhe spinaqin e kulluar dhe vazhdojme zierjen edhe per 10 minuta te tjera derisa te avulloje uji i tepert dhe perberja te rezultoje me pak leng. E rregullojme ne fund me pak koper dhe majdanoz te grire holle dhe e servirim.

*Keshille: Sipas deshires, buranin me spinaq mund ta shoqerojme me pak djath feta te grire ne siperfaqe apo me limon.

Sallatë makaronash mesdhetare

2012-02-08T01:32:00.001-08:00

Ne keto dite te nxehta vere, deshira per te ndenjur prane sobes e per te gatuar nje pjate te shijshme reduktohet se tepermi. Per kete arsye, ne po iu propozojme nje recete tipike verore e cila nuk te shpenzon shume kohe dhe per me teper mund te shijohet e ftohte.

Perberesit per 4 persona
320gr makarona te shkurtra
250gr domate qershize
200gr djath mocarela (ose djath tjeter te bute)
200gr proshute e pjekur
10-15 kokrra ullinj pa berthame
gjethe borziloku
kripe
piper
vaj ulliri

Per pregatitjen e kesaj recete, ziejme fillimisht makaronat ne uje te kripur per egzaktesisht kohen qe tregohet ne konfeksion. Kur te jene akoma "al-dente", i kullojme dhe i kalojme menjehere nen uje te ftohte ne menyre qe te bllokohet gatimi.

Ne nje tas te thelle, hedhim pak vaj ulliri, shtojme domatet qershize te ndara ne 2 apo 4 pjese te cilat i rregullojme me pak kripe e piper dhe shtojme edhe makaronat e kulluara. I perziejme mire keta perberes dhe shtojme tani edhe ata te mbeturit, dmth proshuten e pjekur te ndare ne kubik, djathin mocarela, ullinjte e plote ose te prere ne rrathe duke i perziere te gjitha shume mire.

E leme sallaten me makarona te pushoje per te pakten gjysme ore derisa shijet te perzihen dhe ne momentin e servirjes e sperkasim me pak vaj ulliri ne siperfaqe.

*Keshille: Nese deshironi t'a konsumoni sallaten me makarona per me shume se nje dite, ruheni pjesen tjeter ne frigorifer ne nje ene te mbyllur me kapak dhe shtoni domatet vetem ne momentin e fundit. Aciditeti qe ato permbajne mund t'i jape nje shije te tharte recetes suaj.

Supë krem me kungulleshka

2012-02-08T01:26:00.001-08:00

Kungulleshkat jane nje nga perimet qe mund te hyjne kudo, per shkak te shijes se tyre teper delikate dhe vitaminave e mineraleve. Sot po iu propozojme nje supe krem teper te thjeshte dhe te shijshme, e pershtatshme edhe ne ditet e nxehta te veres; mund ta shijoni ne temperature ambjenti apo edhe te ftohte shoqeruar me copeza buke te skuqura ne gjalp (ose thjesht te thekura).

Perberesit per 4 persona
2 kungulleshka mesatare
1 patate mesatare
1 karrote
1 qepe e madhe
2 thelpinj hudhra
1 gjethe dafine
1.5l leng perimesh ose pule te pregatitur me koncentrate
4 luge pana kuzhine
pak majdanoz te fresket
kripe
piper
vaj ulliri
gjalp

Si fillim, vendosim nje tenxhere ne zjarr mesatar ne te cilen shkrijme plotesisht gjalpin bashke me vajin e ullirit. Shtojme qepen e grire holle dhe e leme te kaverdiset per rreth 5 minuta derisa te rezultoje transparente. Shtojme thelpinjt e hudhrave te copetuara, pataten, karroten dhe kungulleshkat te prera ne copeza te vogla dhe se fundi erezat. I rregullojme te gjitha perimet me pak kripe dhe piper dhe i kaverdisim per rreth 5 minuta te tjera derisa te zbuten dhe te marrin nje ngjyre te lehte.

Shtojme lengun e perimeve apo te pules dhe e ziejme supen ne zjarr mesatar per 10-15 minuta. Pas kesaj kohe, e heqim nga zjarri, eleminojme gjethen e dafines dhe me ndihmen e nje mikseri e reduktojme ne krem te gjithe perberjen duke lene sipas deshires disa perime te plota. Shtojme panen e kuzhines, e rregullojme me kripe dhe piper sipas deshires dhe e servirim te sperkatur me pak majdanoz te grire.

*Keshille: Duke qene se supa do te reduktohet ne purè, mos u shqetesoni per rregullsine e copezave te perimeve. Per me teper, sa me te vogla te jene perimet, aq me shpejt gatuhet supa.

Akullore e bërë në shtëpi me luleshtrydhe

2012-02-08T01:21:00.000-08:00

Me afrimin e diteve te nxehta te veres, edhe deshira per akullore shtohet ndjeshem. Prandaj, pse te mos pregatisim nje akullore shtepie me perberes te thjeshte dhe te shijshem? Mund ta konsumoni ne cfaredo momenti: per mengjes, bashke me dritherat tuaja te preferuar, pas nje vakti te plote apo t'ia shtoni frutave te fresketa.

Perberesit per 4 persona
300gr luleshtrydhe + per dekorim
300ml qumesht i plote (me perqindje te larte yndyre)
200ml pana per embelsira
100gr sheqer
lengun e 1/2 limoni

Parapregatitje: Perpara se te fillojme pregatitjen e recetes, vendosim panen per embelsira ne frigorifer per te pakten 2 ore. Vendosim gjithashtu edhe nje tave qelqi ne akull e cila do te na nevojitet ne nje faze te mevonshme.

Lajme mire luleshtrydhet, i thajme dhe i grijme ne mikser elektrik bashke me lengun e limonit. Shtojme pak nga pak qumeshtin dhe vazhdojme perzierjen edhe per disa sekonda derisa e gjithe masa te reduktohet ne purè.

Ne nje ene te thelle rrahim panen e ftohte bashke me sheqerin, nese pana eshte e pasheqerosur, ose rrahim thjesht panen duke eleminuar sheqerin, nese ajo eshte e sheqerosur. I shtojme edhe purène e luleshtrydheve duke e perziere me kujdes me levizje rrethore te ngadalta ne menyre qe pana te mos bjere.

Sallatë me portokall dhe ullinj

2012-02-08T01:19:00.000-08:00

Kombinimi midis portokallit, ullinjve dhe qepes mund te duket paksa i cuditshem ne fillim, por nese e keni provuar njehere ju siguroj qe do ta gatuani gjithmone kete sallate. Eshte nje recete elementare, prandaj i pershtatet dhe atyre jo shume eksperte ne kuzhine.

Perberesit per 4 persona

4 portokaj te kuq ose te verdhe
1/2 qepe te kuqe, te verdhe, te bardhe ose 1 qepe te njome
10-15 ullinj te zinj pa berthame
vaj ulliri
kripe
piper

Per pregatitjen e kesaj sallate, fillimisht lajme portokajt, i qerojme me kujdes me ndihmen e nje thike te mprehte duke eleminuar edhe pjesen e bardhe dhe i presim ne feta te holla rreth 1cm (ose ne thela) te cilave i heqim berthamat dhe i vendosim ne nje tas. Shtojme ketu edhe qepen e grire holle dhe ne kete moment pregatisim nje perzierje me vaj ulliri, kripe dhe piper me te cilen sperkasim sallaten. Shtojme ne fund edhe ullinjt e plote ose te prere ne feta, e perziejme mire dhe e leme te pushoje per rreth 10 minuta ne temperature ambjenti derisa shijet te bashkohen me njera tjetren perpara se ta servirim.

*Keshille: Nese deshironi te zbusni sado pak shijen djegese te qepes, mund ta vendosni ne uje te ftohte per rreth 10 minuta duke patur kujdes ta fshini mire perpara se te pregatisni sallaten. Gjithashtu, per ta shendrruar kete pjate nga nje sallate e thjeshte, ne dicka te vecante, provoni te shtoni edhe copeza salmoni te tymosur ose natyral.

Limonatë

2012-02-08T01:17:00.002-08:00

Me shtimin e diteve te nxehta, cfare mund te egzistoje me freskuese se nje limonate me limona? Cdokush e ka pregatitur te pakten nje here ne jeten e tij: shtrydhim disa limona, i shtojme uje dhe sheqer. Por si te perftojme nje limonate perfekte ne menyre qe kokerrizat e sheqerit te mos mbesin ne fund? Ndiqni receten tone te thjeshte:

Perberesit per rreth 1.3l limonate

1l uje te ftohte
240ml uje per shurupin
240ml leng limoni (rreth 6 limona)
170-240gr sheqer

Sekreti kryesor per pregatitjen e limonates me limona qendron ne pregatitjen paraprake te shurupit me sheqer dhe uje. Per kete shkrijme ne zjarr mesatar 240gr sheqer ne 240ml uje (pra ne raportin 1:1) nese e duam limonaten tone te embel, ose 170gr sheqer ne 240ml uje nese e duam mesatare.

Ne nje broke me kapacitet 1.5l hedhim si fillim lengun e limonave te shtrydhur, shtojme shurupin e mesiperm dhe se fundi 1l uje te ftohte. E fusim ne frigorifer per 30-40 minuta dhe e sherbejme te ftohte me copa akulli dhe feta limoni.

Eskallop viçi me limon

2012-02-08T01:17:00.001-08:00

Eskallopi me limon, eshte nje pjate e dyte e thjeshte ne pregatitje dhe e perkryer per stinen e veres, per shkak te freskise qe i jep limoni. Megjithese kerkon pak kohe per tu realizuar, duhet patur kujdes qe mishi te jete i nje cilesie shume te mire dhe me pak yndyre; ne kete menyre gjate gatimit ajo do te shkrije dhe do ti jape pjates nje shije sublime.

Perberesit per 4 persona
8 feta mish vici (ose 4 nese jane te medha)
300ml leng mishi (ose perimesh)
1 luge niseshte, miell patatesh
1 limon
miell per lyerje
vaj ulliri
pak majdanoz te grire
kripe
piper te bardhe
Per pregatitjen e kesaj recete, fillimisht rrahim lehtesisht fetat e mishit te vicit, i lyejme me miell dhe i skuqim ne vaj ulliri per pak minuta nga te dyja anet derisa te kene marre ngjyre te arte. I heqim nga tigani dhe i vendosim ne nje ene me kapak ne te cilen mund ti mbajme te ngrohta.

Nderkohe, shkrijme ne lengun ne temperature ambjenti te mishit ose te perimeve niseshten dhe e hedhim ne tiganin ku skuqem mishin. E cojme ne zierje ne zjarr mesatar dhe shtojme lengun e limonit dhe lekuren e tij te grire holle duke pritur qe salca te trashet. E rregullojme me kripe, piper dhe majdanoz te grire dhe shtojme se fundi edhe fetat e mishit duke i lene keshtu te gatuhet per rreth 5 minuta ne menyre qe te marrin shijen e limonit. I servirim ne pjate shoqeruar me feta limoni te holla.

*Keshille: Ne vend te fetave te mishit te vicit, mund te perdorim edhe filetot e pules te cilat kane nje shije me delikate.

Sallatë makaronash me speca të pjekur

2012-02-08T01:03:00.001-08:00

Nese ju kane tepruar speca te pjekur nga pregatitja e ndonje recete tjeter, atehere kjo pjate eshte posacerisht per ju!
Perberesit per 4 persona
300gr makarona te shkurtra
3 domate mesatare te pjekura mire
4-5 speca te pjekur (apo nen vaj)
disa gjethe borzilok
2 thelpinje hudhra
vaj ulliri
kripe
piper

Ziejme makaronat e shkurtra ne uje me kripe per egzaktesisht kohen e treguar ne konfeksion.
Nderkohe, presim ne rripa specat e pjekur, ne copeza te vogla domatet dhe i vendosim ne nje ene te thelle. I rregullojme me vaj ulliri, kripe, piper, hudhrat e grira holle dhe pak borzilok te fresket.
Kur makaronat te jene gati, i kalojme menjehere nen uje te ftohte per te ndaluar gatimin dhe i hedhim ne enen ku kemi pregatitur perberjen me speca. I perziejme shume mire dhe i leme ne frigorifer per te pakten gjysme ore perpara se ti servirim.

Pulë me domate dhe speca

2012-02-08T01:01:00.001-08:00

Kjo eshte nje menyre shume e shijshme per te shijuar mishin e pules apo te lepurit, pasi shija e tyre delikate shkon mrekullisht me domatet dhe specat e stines. Prandaj, ne vere, reduktoni sasine e mishit dhe shtoni ate te perimeve!

Perberesit per 4 persona

1 pule rreth 1kg
120gr proshute (mundesisht pule)
4-5 domate te pjekura
2 speca jeshil ose te kuq
1 qepe mesatare
2 thelpinj hudher
1 spec te kuq djegs
1 gote vere te kuqe
pak majdanoz te grire
vaj ulliri
kripe
piper

Pastrojme dhe lajme nen uje te rrjedhshem pulen, i heqim lekuren (ose nese ju pelqen shija e saj mund ta mbani), e presim ne copa dhe e skuqim ne zjarr te forte me 3-4 luge vaj ulliri nga te dyja anet derisa te kete marre ngjyre te arte (nevojiten rreth 5 minuta). E heqim nga tigani dhe e leme ne nje ane.

Pastrojme domatet duke i prere ne kubik jo shume te vegjel dhe specat duke i prere ne shirita.

Ne te njejtin tigan ku skuqem pulen, shtojme edhe pak vaj ulliri dhe kaverdisim qepen dhe hudhren te grira holle bashke me specin djegs te cilit i kemi eleminuar farat e brendeshme. Shtojme domatet dhe specat dhe i gatuajme me kapak te mbyllur ne zjarr mesatar per rreth 10 minuta.

Rolè me pulë, gjizë dhe proshutë spek

2012-02-08T00:58:00.001-08:00

Kjo eshte nje menyre shume e shijshme dhe e vecante e gatimit te mishit te pules, e cila nga ana tjeter ka dhe nje pamje teper ndjellese. Mund ta shijoni te ngrohte apo ne temperature ambjenti, shoqeruar nga nje garniture patatesh ne furre apo te ziera.

Perberesit per 3 persona (3 rolè)
3 gjokse pule (rreth 450gr)
350gr gjize pa kripe (rikota)
200gr spinaq
20 feta proshute spek
2 gjethe dafine
vaj ulliri
kripe

Si fillim, pervlojme spinaqin ne uje me pak kripe, e leme te ftohet dhe e shtrydhim nga uji i tepert.
Presim ne kubik gjokset e pules dhe i bashkojme me rikoten, spinaqin e prere holle, pak kripe duke i perziere mire derisa masa te homogjenizohet.
Ne tavolinen e punes vendosim 6-7 feta proshute spek te prera holle, duke i mbivendosur paksa njera siper tjetres. Ne kete menyre kemi formuar bazamentin e rolèse, mbi te cilin hedhim 1/3 e perberjes se mesiperme dhe e rrotullojme me kujdes. Ne te njejten menyre pregatisim edhe rolète e tjera.
I vendosim me kujdes rolète ne nje tave te lyer me pak vaj ulliri, shtojme gjethet e dafines te ndara ne copa dhe e pjekim ne furre te parangrohur ne 170°C per 35-40 minuta te mbuluar me leter alumini te cilen e heqim vetem 10 minutat e fundit qe te marre ngjyre ne siperfaqe.
E leme te ftohet ne temperature ambjenti, e presim ne feta dhe e sherbejme shoqeruar me patate furre.

Tortë e kripur me kungulleshka dhe proshutë

2012-02-08T00:55:00.000-08:00

Nese per nje arsye ose tjetren nuk keni kohe te gatuani neser, por gjithashtu nuk doni te hiqni dore nga kuzhina e mire, ne ju rekomandojme kete torte te kripur te cilen mund ta pregatisni nje nate me pare dhe ta vendosni ne frigorifer. Diten tjeter do te jete po aq e shijshme, per te mos thene me shume!
Perberesit per 1 torte mesatare
1 pako pete sfoljat te gatshme (ose mund ta pregatisni vete sipas recetes ketu)
300gr kungulleshka (2 mesatare)
100gr proshute te pjekur
150gr djath guda (ose djath tjeter qe shkrin)
2 luge djath kackavall te grire
1 thelpi hudher
borzilok
pak vaj ulliri
kripe
piper

Kaverdisim ne zjarr te ulet me pak vaj ulliri kungulleshkat e prera ne copa jo shume te vogla bashke me hudhren e grire holle dhe pak kripe. I leme ne kete menyre me kapak mbyllur per rreth 15 minuta derisa te zbuten.

Ne nje tas perziejme shume mire proshuten dhe djathin guda te prere ne kubik te vegjel, kungulleshkat, djathin kackavall, pak kripe, piper, borzilok dhe 1 luge vaj ulliri.

Ne taven qe do te pregatisim torten e kripur, shtrojme nje leter furre dhe mbi te peten sfoljat duke cpuar me pirun disa here fundin e saj. Palosim anet nga brenda dhe hedhim perberjen qe pregatitem me siper duke e niveluar mire. E pjekim ne furre te parangrohur ne 180°C per rreth 25-30 minuta. E nxjerrim nga furra, e leme te ftohet plotesisht ne temperature ambjenti dhe e servirim te prere ne feta.

Pulë me limon

2012-02-08T00:51:00.001-08:00

Pula me limon eshte nje nga recetat me te konsumuara dhe me te pelqyera te kuzhines kineze. Per shkak te thjeshtesise se saj, mund ta pregatisi kushdo, madje edhe ata persona qe jane ne fillimet e tyre dhe duan te mesojne pak nga pak te gatuajn.

Perberesit per 4 persona
...per pulen
4 gjokse pule (rreth 500gr)
2 veze
miell
kripe
vaj luledielli per skuqje
...per salcen me limon
1 luge niseshte (ose miell)
100ml vere te bardhe
200ml uje
2 luge te vogla sheqer
lengun dhe lekuren e 1 limoni
kripe

Presim fillimisht gjoksin e pules ne shirita jo shume te holle, i kalojme ne vezen e rrahur me pak kripe, me pas ne miell dhe i skuqim per rreth 5 minuta ne vaj te nxehte derisa te marrin ngjyre te arte. I vendosim copat e pules ne nje tas me kapak ne menyre qe te jene akoma te ngrohte dhe pregatisim salcen.

Shkrijme plotesisht niseshten ne nje gote me uje te ftohte duke e perziere vazhdimisht. Ne nje tigan te madh hedhim ujin me niseshte, shtojme menjehere veren e bardhe, sheqerin, ujin e mbetur dhe lengun e limonit. Kur salca te jete trashur pak (duhet ta perziejme gjate gjithe kohes) shtojme edhe lekuren e limonit te grire ne rende dhe e leme ne kete menyre derisa sheqeri te kete shkrire plotesisht dhe salca te trashet.

Shtojme ne kete moment edhe copezat e pules dhe i gatuajme per rreth 2 minuta te tjera ne zjarr te ulet derisa perberesit te marrin shijen e njeri tjetrit.

E sherbejme pulen me limon te ngrohte duke e zbukuruar pjaten me feta te holla limoni dhe gjethe majdanozi. E shoqerojme kete pjate me nje sallate jeshile ose me perime te ziera apo te pjekura ne furre.

Brumi bazë i bukës

2012-02-08T00:05:00.001-08:00

Buka ishte "ushqimi i Perendive" dhe faktikisht ne traditen tone shqiptare nuk mungon ne asnje tavoline. Nese ndonjehere keni menduar ta realizoni vet ne shtepi, eshte me e thjeshte seç e keni imagjinuar; ne kete menyre do te dini se cfare hani dhe do t'iu shijoi akoma me shume!

Perberesit per 4 persona
500gr miell te bardhe
250ml uje te ngrohte
25gr maja birre
5 luge vaj
15gr kripe
2 luge te vogla sheqer

Gjeja e pare qe duhet te bejme, eshte te copetojme imet me duar majane e birres te cilen e vendosim ne nje tas te vogel, shtojme sheqerin dhe gjysme gote uje te ngrohte duke i perziere me nje luge te vogel derisa majaja te kete shkrire plotesisht. E mbulojme enen me nje pjate te vogel dhe presim derisa ne siperfaqe te formohet nje lloj shkume.

Ne nje tas te madh, ose ne tavolinen e punes, hedhim miellin e situr duke i hapur nje grope ne mes ne te cilen shtojme perberjen me maja birre, vajin, kripen e shkrire ne ujin e ngrohte te mbetur dhe fillojme ta punojme brumin me dore per te pakten 10 minuta derisa te rezultoje homogjen dhe elastik. Mbajme gjithmone prane vetes pak miell, nese brumi eshte shume i bute, apo pak uje te ngrohte nese eshte shume i forte.

I japim brumit formen e nje sfere te madhe te cilen e vendosim ne nje ene te gjere ose ne nje tave te sperkatur me pak miell larg korrenteve te ajrit (psh brenda ne furren e fikur), e mbulojme me nje pecete te paster dhe e leme te fryhet per te pakten 2 ore derisa te dyfishoje vellimin e tij.

Ne kete moment, brumi eshte gati per ti dhene formen e deshiruar (te nje sfere te madhe, te simiteve, drejtkendeshe, gjatesore etj), i bejme ne siperfaqe 4 prerje ne forme kryqi me majen e nje thike dhe e leme akoma edhe per rreth 1 ore derisa te dyfishoje vellimini.

E pjekim buken ne furre te parangrohur ne 220°C per rreth 20 minuta, me pas e ulim temperaturen ne 180°C edhe per 20 minuta te tjera duke e vendosur nxehtesine vetem ne pjesen e poshtme te furres. Per te qene te sigurt qe buka eshte pjekur ne brendesi, bejme prove me majen e thikes. Pas e kemi nxjerre nga furra, presim disa minuta derisa buka te ftohet pak dhe e servirim ne tavoline.

*Keshille: Per te mos lejuar qe buka te thahet teper gjate pjekjes, mund te vendosim brenda ne furre nje tas te vogel me uje qe i reziston nxehtesise; ne kete menyre avujt e ujit do te perhapen ne momentin e pjekjes se bukes duke e bere me te bute.

Brumi bazë i picës

2012-02-08T00:01:00.001-08:00

Te pregatitesh vete nje pice ne shtepi, nuk eshte shume e veshtire, perkundrazi! Duhet pak kohe dhe mbi te gjitha pak perberes nga te cilet miell, uje, maja birre, vaj dhe kripe. Gjeja me e rendesishme eshte te fillohet pregatitja e brumit te pakten disa ore perpara se pica te futet ne furre. Ne kete menyre do te realizojme nje pice te holle si ne piceri, apo pak me te trashe si picat "al taglio". Le te shohim se bashku se cilat jane hapat qe ndiqen.

Perberesit per 4 pica
1kg miell
600ml uje
6 luge vaj ulliri
50gr maja birre
20gr kripe
2 luge te vogla sheqer

Fillimisht, pregatisim brumin e pices duke situr miellin ne tavolinen ku do te punojme brumin dhe i hapim nje vrime ne mes ku do te hedhim te gjithe perberesit e tjere. Marrim dy ene te vogla qelqi; ne njeren hedhim nje gote uje te ngrohte, shtojme sheqerin, 2 kuba maja birre (ose maja te thate) dhe i perziejme me gishta derisa te shkrihen plotesisht, tek tjetra hedhim nje gote tjeter uje te vaket dhe shtojme kripen derisa edhe ajo te shkrije komplet. Ne fillim hedhim permbajtjen e enes se pare tek gropa qe hapem ne miell, shtojme vajin e ullirit, shtojme permbajtjen e enes se dyte dhe ne kete moment fillojme te punojme brumin ne menyre energjike me te dyja duart.
Mbajme gjithmone prane vetes pak miell dhe ujin e ngrohte te mbetur te cilet do ti shtojme here pas here derisa brumi te kete arritur trashesine e duhur; duhet te jete i bute dhe elastik. Vazhdojme ta punojme brumin me dore derisa te perftojme nje perberje te bute, por te qendrueshme (qe te mos ngjisi ne duar) me te cilen formojme nje sfere te madhe qe e vendosim ne nje tas te sperkatur me miell (duhet te kemi parasysh qe brumi do te dyfishoje vellimin e tij).
E mbulojme enen me nje pecete te paster dhe e vendosim ne nje vend te ngrohte larg rrymave te ajrit, psh brenda ne furren e fikur. Duhen te pakten 1 ore e gjysme, apo edhe 2 ore qe brumi te dyfishoje vellimin e tij. Kur te kaloj kjo kohe, mund te vazhdojme me hapjen e brumit dhe pregatitjen e pices. Eshte me mire qe brumi te hapet me dore ne nje tavoline te lyer me miell, por nese kjo eshte e veshtire, atehere mund te perdorni fare mire okllaine.
Ne kete moment, mund ti veme cfare emri te deshirojme pices tone: Margerita (me domate, mocarela dhe borzilok), Romana (me domate, mocarela, acuge dhe rigon), Napoletana (me domate, mocarela, acuge, kaperi dhe rigon) etj. Ka nje shumellojshmeri te pafundme variantesh, mund te "hedhim" mbi pice cfare te duam dhe ne sasine qe duam! Zgjedhja eshte e jona!
*Keshille: Preferohet qe brumi per pica te punohet ne nje tavoline te paster dhe te pudrosur me miell, dhe jo ne nje tas te madh, pasi perberesit nuk lidhen edhe aq mire me njeri tjetrin. Por nese kjo eshte vertete e pamundur, mundohuni ta punoni sa me mire dhe sa me shume brumin me dore. Gjithashtu ne vend te formoni nje sfere te madhe, mund ta ndani brumin ne 4 sfera te vogla (varet se sa pica doni te pregatisni) te cilat i vendosni ne tasa te ndryshem, ku edhe do ti lini te fryhen.

Pica të vogla me djath filadelfia

2012-02-07T23:56:00.000-08:00

Picat me filadelfia, pregatiten ne vetem 30 minuta dhe jane zgjidhja ideale nese keni te ftuar per darke dhe doni te pregatisni antipasta te vogla, por te shijshme.

Perberesit per rreth 25 pica te vogla
...per brumin
250gr miell
250gr djath filadelfia natyral
50gr gjalp
kripe
...per mbushjen
salce domatesh
djath mocarela
rigon/borzilok

Vendosim ne mikser djathin filadelfia, miellin, gjalpin dhe pak kripe dhe i perziejme derisa te formohet nje top brumi. E nxjerrim nga mikseri, dhe nese brumi ngjit ne duar, shtojme pak miell. E punojme pak me dore, e mbeshtjellim me nje leter celofoni dhe e vendosim ne frigorifer per rreth 20 minuta ne menyre qe hapja e tij te jete me e lehte.

Pasi te kete kaluar kjo kohe, e hapim brumin ne tavolinen e punes te lyer me pak miell dhe formojme disqe me ndihmen e nje forme te rrumbullaket ose te nje gote (madhesia sipas deshires). I vendosim picat e vogla ne nje tave ne te cilen kemi shtruar leter furre, i lyejm me nje luge te vogel salce domatesh, i sperkasim me pak rigon/borzilok dhe i pjekim ne furre te parangrohur ne 200°C per 5 minuta. Pas kesaj, i nxjerrim nga furra, shtojme pak djath mocarela te grire, dhe i pjekim serisht per 10 minuta te tjera. I sherbejme te ngrohta.

*Keshille: Sipas deshires picave mund ti shtoni cfare te deshironi: copeza proshute, ullinj, kaperi, salcice etj.

Kofshë qengji me patate në furrë

2012-02-07T23:49:00.001-08:00

Ne dreken e Pashkeve nuk duhet te mungoje absolutisht mishi i qengjit, te cilin ne kete periudhe mund ta gjeni me lehtesisht dhe shume me te fresket. Receta qe po iu propozojme sot eshte klasike, por suksesi do te jete i garantuar. Kofsha e qengjit gatuhet mbi patatet e prera ne feta te trasha, te cilat marrin nje shije te shkelqyer, sepse zihen dhe piqen ne te njejten kohe me lengun e qengjit.

Perberesit per 6 persona
1 kofshe qengji rreth 1.6kg
8 patate te medhaja
100gr gjalp
4-5 thelpinje hudher
rozmarine
trumez
kripe
piper
Si fillim, mundohemi t'i heqim te gjithe dhjamin e mundshem kofshes se qengjit, e shplajme dhe e vendosim per t'u ziere ne uje te ftohte me pak kripe ne tenxhere me presion per rreth 30 minuta, nese qengjit nuk eshte shume i njome. Ne rast te kundert, e veme direkt per t'u pjekur.
Lajme, qerojme dhe presim ne feta te rrumbullakta dhe paksa te trasha patatet. I vendosim ne fundin e taves njera pas tjetres, shperndajme mbi to gjalpin e prere ne copeza, thelpinjte e hudhres te shtypur lehtesisht, rozmarinen, trumezen dhe pak kripe. Mbi patatet vendosim kofshen e qengjit, e kriposim dhe e pjekim ne furre te parangrohur ne 210°C per rreth 30 minuta duke e kthyer nga ana tjeter cdo 15 minuta. E ulim temperaturen e furres ne 180°C dhe e pjekim taven akoma edhe per 40 minuta duke shtuar pak uje apo leng mishi nese masa thahet teper.
Pasi ka kaluar kjo kohe, fikim furren duke e lene mishin e qengjit me patate te ftohet brenda ne furre me dere hapur deri ne servirjen e tij.

Tavë Elbasani (Tavë kosi)

2012-02-07T23:46:00.000-08:00

Per taven e Elbasanit mund te perdoret mish qengji apo dashi. Nqs tava pregatitet me mish qengji, ai futet direkt per t’u pjekur, ndersa mishi i dashit zihet fillimisht dhe me pas piqet.

Perberesit per 4 persona
750gr mish qengji
4 luge gjalp
2 luge oriz
kripe
piper

Per salcen me kos
1kg kos
5 veze
4 luge miell
kripe
piper

Si fillim, ndajme mishin e qengjit ne 4 pjese, e sperkasim me kripe, piper dhe gjalpin dhe e pjekim ne zjarr te moderuar. Here pas here i hedhim pak uje qe te mos thahet. Kur mishi te jete gjysme i pjekur, shtojme orizin. Heqim taven nga furra nderkohe qe pregatisim salcen me kos:

Skuqim lehte miellin ne gjalp duke i perzier fort. Perziejme kosin me kripen, piperin dhe vezet derisa te formohet nje perberje homogjene dhe ia shtojme mases me miell. Hedhim salcen ne tave dhe e pjekim ne 190 grade Celsius per rreth 45 minuta. E sherbejme te nxehte.

*Keshille: Nqs perdorni mish dashi ne vend te mishit te qengjit, ai duhet te zieje fillimisht 10-15 minuta ne tenxhere me presion dhe me pas vazhdohet procedura si me siper.

Copëza mish viçi në verë të kuqe

2012-02-07T23:37:00.000-08:00

Kjo pjate, e cila pershtatet shume mire me ditet e ftohta qe po kalojme dhe ato qe na presin, nuk mund te mos shijohet nga adhuruesit e mishit te kuq. Keto copeza vici te kaurdisura me perime dhe te shuara me vere te kuqe, mund te shoqerohen fare mire nga nje sallate e fresket apo nga nje garniture jo shume kalorike. Mund t'a gatuani sipas menyres klasike, pra duke e ziere per rreth 1 ore e gjysme, ose ne tenxhere me presion e cila do t'iu kurseje trecerekun e kohes.

Perberesit per 4 persona
800gr mish vici pa dhjam
1 qepe mesatare
1 karrote te madhe
2 dege selino
1 domate te madhe ose 3 luge salce domatesh
1 liter leng te pregatitur me koncentrate vici
1 gote vere te kuqe
4 luge vaj ulliri
pak gjalp
miell
kripe
piper
Lajme dhe presim shume holle qepen, karroten dhe deget e selinose duke i kaurdisur ne nje tenxhere ku kemi shkrire pak gjalp dhe vaj ulliri. I leme ne kete menyre ne zjarr mesatar derisa qepa te behet transparente dhe vazhdojme me pregatitjen e mishit.

Eleminojme dhjamin e tepert dhe e presim ne kubik pak a shume te se njejtes madhesi. I kalojme copezat e mishit ne miell dhe ia shtojme perimeve te mesiperme duke i lene te skuqen per disa minuta. Kur perberja ta kete thithur te gjithe yndyren, e shuajme me veren e kuqe te cilen e leme te avulloje ne zjarr te fort. I shtojme mishit lengun e perftuar nga koncentrata, domaten e grire ose salcen e domateve, e kriposim, e piperosim dhe e leme ne kete menyre te gatuhet me kapak ne zjarr mesatar per rreth 1 ore e gjysme duke shtuar leng nese eshte e nevojshme.

Pasi ka kaluar kjo kohe, e heqim nga zjarri, e rregullojme me pak kripe dhe e servirim te ngrohte.

*Keshille: Kesaj recete mund ti shtoni sipas deshires edhe bizele kokerr, fasule, patate te prera ne kubik, brokoli, lulelaker apo cdo perim tjeter qe deshironi.

Supë Gulash

2012-02-07T23:30:00.000-08:00

Ne kuzhinen Hungareze, Gulash eshte nje lloj supe e cila permban shume mish, ka leng te trashe dhe mund te haet me luge. Nuk eshte e veshtire ne pregatitje, i vetmi problem eshte se nevojitet piper i kuq i embel pluhur shume cilesor. Gjithsesi jane perberesit kryesor ato qe i japin nje shije mjaft te vecante.

Perberesit per 4 persona

500gr mish vici
3 qepe
3 patate
2 karrota
2 speca jeshil ose te kuq
1 liter leng mishi (ose leng i pregatitur me koncentrate vici)
1 gote vere te kuqe
1 luge te vogel spec te kuq te embel
1 luge te vogel qimnon (lloj erze, quhet ndryshe edhe Cumin)
2 thelpinj hudher
1 luge miell
vaj ulliri
kripe
piper
Kaverdisim ne nje tenxhere me vaj ulliri mishin te cilin e kemi prere ne kubik, qepen e grire holle dhe hudhren. E sperkasim me pak miell duke e perziere dhe e shuajme me veren e kuqe te cilen e leme te avulloje ne zjarr te fort. I shtojme mishit lengun e mishit (apo lengun e pregatitur me koncentrate vici), e rregullojme me kripe, piper, specin e kuq te embel dhe qimnon dhe e gatuajme ne zjarr te avashem per rreth 40 minuta.
Lajme dhe qerojme patatet dhe karrotat, i presim ne copa te medha dhe ia shtojme supes. Shtojme gjithashtu edhe specat e prere ne shirita gjatesor dhe vazhdojme gatimin edhe per 20 minuta te tjera. Ne fund e perziejme te gjithen dhe e sherbejme te ngrohte.

Karkaleca me susam

2012-02-07T23:21:00.000-08:00

Kjo eshte nje antipaste teper e shpejt dhe me vlera te larta ushqimore, e cila preferohet te pregatitet ne diten e Shen Valentinit per shkak te vetive afrodiziake qe ka.

Perberesit per 2 persona
10 karkaleca te medhenj
1 e bardhe veze
susam
vaj luledielli
salce soje per ti shoqeruar (fakultative)

Pastrojme fillimisht karkalecat duke lene vetem pjesen e bishtit, i kalojme nen uje te rrjedhshem dhe i thajme me letra kuzhine.

Ne nje ene te vogel, rrahim me ndihmen e nje piruni te bardhen e vezes, i kalojme karkalecat nje nga nje ne kete mase, i kalojme me pas ne farat e susamit dhe i skuqim ne vaj te nxehte per maksimumi 2 minuta. I vendosim ne nje leter kuzhine ne menyre qe te thithet vaji i tepert dhe i sherbejme me salce soje.

Luleshtrydhe në krem çokollate

2012-02-07T23:16:00.000-08:00

Kjo eshte nje menyre shume e embel dhe delikate per te perfunduar nje darke romantike, prandaj kete recete ju a keshillojme ta pregatisni darken e Shen Valentinit.

Perberesit per 2 persona
10 luleshtrydhe te medha
200gr çokollate te zeze
100ml pana per embelsira
2 luge rum, konjak, amareto etj (fakultative)

Per pregatitjen e kesaj recete, ndajme çokollaten ne copeza te vogla dhe e shkrijme ne banjomari bashke me panen e lengshme (jo te rrahur!) derisa te formohet nje krem homogjen dhe te mos mbeten copeza çokollate. E heqim enen nga banjomaria dhe shtojme pijet alkoolike sipas deshires duke i perziere mire.

Lajme mire luleshtrydhet, i thajme me letra kuzhine dhe nje nga nje i zhysim ne kremin me çokollate. I vendosim ne nje leter furre ne menyre qe çokollata te ngurtesohet dhe i sherbejme te ftohta.

*Keshille: Ne vend te luleshtrydheve, mund te perdorim edhe fruta te tjera si banane, molle, dardha, pjeshke, kivi, mango, apo edhe biskota. Por, duke qene se banania, dardha dhe molla kane tendence te nxihen sapo qerohen, atehere i sperkasim me pak leng limoni perpara se ti zhysim ne çokollate.

Qofte e madhe me mish të grirë (e mbushur sipas dëshirës)

2012-02-07T22:56:00.000-08:00

ceta qe po ju paraqesim me poshte, eshte nje alternative shume e shijshme e qofteve tradicionale dhe mbi te gjitha preferohet te gatuhet kur miqte shfaqen papritur ne dere, pa lajmeruar! Koha e pregatitjes dhe e pjekjes eshte vetem 1 ore, prandaj konsiderohet nje recete relativisht e shpejt.
Perberesit per 1 rolè (5-6 persona)
500gr mish te grire viçi
1 qepe te madhe
2 veze
galete
majdanoz i grire holle
kripe
piper
mbushja sipas deshires
Fillimisht, grijme qepen ne mikser dhe ia shtojme mishit te grire bashke me vezet, kripen, piperin dhe majdanozin duke i perziere shume mire me dore. Ne kete faze masa rezulton pak e ujeshme, prandaj shtojme galete aq sa te perftojme nje perberje homogjene dhe kompakte (mund te nevojiten nga 5 deri ne 10 luge).
Ne tavolinen e punes, vendosim nje leter furre ne forme drejtkendore dhe shtrojme mbi te masen me mish te grire duke u munduar ti japim te njejten forme me lartesi rreth 2 cm. Ne mes vendosim mbushjen dhe me ndihmen e letres se furres e rrotullojme mishin duke formuar nje rolè, anet e se ciles i ngjisim mire me dore. E mbeshtjellim rolène me letren e furres dhe e vendosim ne tave me palosjen nga poshte. E çpojme ne disa vende me pirun ne menyre qe te mos çahet gjate pjekjes dhe e pjekim ne furre te parangrohur ne 180°C per 30-40 minuta.

E leme rreth 15 minuta ne temperature ambjenti ne menyre qe masa te lidhet, i heqim letren e mbeshtjelljes dhe e servirim te prere ne feta.
ALTERNATIVAT PER MBUSHJEN
çdo lloj djathi qe shkrin ne feta (jo mozzarella, pasi eshte teper i ujeshem) +
veze te ziera ne feta
feta proshute
feta patatesh te ziera/purè patatesh
spinaq te ziere
bizele te ziera

"Bora " fror 2012

2012-02-07T08:11:00.000-08:00

Eskallop viçi me kërpudha

2012-01-15T12:46:00.000-08:00

Eskallopet jane feta te holla mishi, te kaluara ne miell dhe me pas te skuqura ne pak gjalp dhe vaj ulliri derisa te marrin ngjyren tipike te arte ne siperfaqe. Ne kete recete, ato shoqerohen me kerpudha te cilat i japin nje shije teper te vecante dhe sherbejne si garniture duke e kompletuar pjaten.

Perberesit per 4 persona
8 fileto te holla vici
1/2kg kerpudha te tipit champignon
1 gote vere te bardhe
1/4l leng mish vici ose leng te pregatitur me koncentrate vici
1 thelpi hudher
50gr gjalp
2 luge vaj ulliri
pak miell
majdanoz te grire
kripe
piper
Pregatisim fillimisht salcen per eskallopet duke i pastruar kerpudhat me ndihmen e nje pecete te lagur dhe te shtrydhur mire, dhe duke i prere ne feta te holla. Ne nje tigan, kaveridisim ne pak vaj ulliri hudhren e prere holle, shtojme fetat e kerpudhave dhe i gatuajme ne zjarr te forte per rreth 10 minuta derisa te leshojne lengun e tyre. Pas kesaj, i shuajme me veren e bardhe dhe ne momentin qe kjo ka avulluar, shtojme pak leng mishi (apo koncentrate) dhe i gatuajme kerpudhat edhe per 10 minuta te tjera derisa ne fund te rezultojne te buta dhe te formohet nje leng pak i trashe. I rregullojme me kripe, pak piper, majdanozin e gire dhe i leme ne nje ane.

Pregatisim filetot e vicit duke i rrahur me ndihmen e nje rrahese mishi derisa te arrijne trashesine prej 1cm (duhet te jene shume te holla), i lyejme me pak miell dhe i skuqim nga te dyja anet ne tiganin ne te cilin kemi shkrire gjalpin dhe pak vaj ulliri. I heqim nga tigani dhe ia shtojme salces me kerpudha duke i perziere mire. I sherbejme menjehere sperkatur me pak majdanoz te grire ne siperfaqe.

Gjel deti ose pulëhine (faraona) e mbushur me gështenja

2011-12-28T02:38:00.000-08:00

Gjel deti ose pulëhine (faraona) e mbushur me gështenja
Për 6 vetë nevojiten:
1 gjel deti apo pulëhine,
100 gr. mish i grirë,
200 gr. gështenja,
1 vezë,
5 gr. kopër ,
1 dege rozmarinë,
1 gjethe dafine,
2 gjethe sherbele,
1 qepë,
1 degë selino,
1 karotë,
1 thelb hudhër,
kripë, piper, vaj ulliri, vere e bardhë dhe spango.
Përgatitja:
I heqim kockat pulës, i hedhim kripë dhe piper nga të gjitha anët.
Marrim gështenjat, u bëjmë një shenjë me thikë, pastaj i fusim në furrë të nxehtë për 8 minuta në një temperaturë 180°. I nxjerrim e u heqim lëvozhgat.
Në një enë përziejmë gështenjat e pastruara, mishin e grirë, vezën dhe koprën e grirë. I hedhim kripën dhe piperin që nevojitet.
Marrim pulën e hapim mirë, marrim gështenjat dhe mishin e grirë tashmë të përziera i vëmë në mes të pulës e rrotullojmë mirë dhe e lidhim me spango. Në një tigan hedhim pak vaj ulliri dhe fillojmë të skuqim pulën e mbushur.
Marrim qepën, selinon, karotën të prera në copa të vogla, thelbin e hudhrës, erëzat e mbetura dhe i hedhim të gjitha në tigan bashkë me pulën. Kur pula të jetë skuqur mirë e spërkasim me verë. Pasi vera të ketë avulluar, mbulojmë pulën me ujë ose lëng mishi nëse kemi. E fusim në furrë në një temperature 150° për rreth 30 minuta, gjithmonë duke e shikuar që mos të thahet. Kur shikojmë që po thahet i shtojmë pak ujë.
Kur pula të jetë pjekur i heqim spangon dhe e presim në feta me gjerësi rreth 2 cm. Lëngun e mbetur në tepsi e fusim në një tenxhere e vëmë në zjarr deri sa të fillojë të ziejë. E trashim duke përdorur miell ose niseshte të shkrirë në ujë. E kullojme me një kullesë dhe e përdorim si salcë sipër fetave të pulës.

Ferrliku

2011-11-20T02:21:00.000-08:00

Konjak Skenderbeg

2011-04-05T05:19:00.000-07:00

Albanië

2011-01-22T12:19:00.001-08:00

SORBET NGA PEMËT E BUTA

2010-09-14T04:24:00.000-07:00

Përbërësit për desertin më freskues verorë:
350 gr mjedra,250 gr rrush serezi,200 gr sheqer,150 ml ujë, 1 e bardhë e vesë,lëngu i një limete ose limoni,1/8 l verë e bardhë kualitative ose shampanjë (vera mund të zëvendësohet me lëng agrumesh ose frutash të buta,por në këtë rast ky desert nuk do të jetë sorbet,por një koktel që i gjason koktel “granite”.

Vlon sheqeri me ujë 7 min.dhe ftohet sherbeti.Pemët shtypen në formë pureje.Tundet e bardha e vesë në shkumë të qëndrueshme dhe bashkohet me pemë,lëng limoni,(verë për shije më të theksuar,por bënë edhe pa të)dhe sherbet.Masa përzihet mirë gjersa të bëhet e njëllojtë.Derdhet në enë të cekët, futet në friz dhe pas afro 3 orë nxirret nga frizi për t’u përzi me lugë ose piru.Gjatë procesit të ngrirjes,përzihet 3-4 herë rradhazi çdo 2-3 orë, në mënyrë që mos të formohet si një copë akulli,por të jetë e lëmuar dhe e përshtatshme pastaj për t’u shërbyer.
Me përbërësit e lartpërmendur,në të njejtën mënyrë, përgaditet sorbet me mango (2 mango),dredhëza (1/2 kg dredhëza),kiwi (7 copë ) .
Shërbehet në gota me grykë të gjërë dhe të ftohura mire.

TORTË “MARGARITA”

2010-09-14T04:23:00.001-07:00

Përbërësit:8 vezë,8 lugë sheqer,8 lugë miell,lëvore limoni.
Kremi i parë:300 gr arra të bluara,1,5 dcl qumësht,150 gr margarinë i zbutur,5 lugë sheqer pluhur,100 gr çokollatë ose dy lugë kakao.
Kremi i dytë:2 dcl qumësht,1 puding vanileje,3 lugë sheqer,2 sheqer vanileje,200 gr margarinë,3 lugë sheqer pluhur.

Përgatitet patishpani me përbërësit e sipërshënuar dhe derdhet në tepsi të shtruar me letër shporeti.Piqet në furrë me temperaturë 200 gradë Celsius.Pasi të piqet,përmbyset në pecetë të lagur dhe largohet letra sa është patishpani i nxehtë.Posa të ftohet,lyhet me fillin e parë i cili përgatitet duke i lagur arrat e bluara me qumësht të valë.Shtohen çokollata e shkrirë, margarina e tundur me 5 lugë sheqer pluhur,pastaj të gjitha përzihen mirë,gjersa kremi të bëhet i njëllojtë.Me kremin e përgatitur lyhet sipërfaqja e patishpanit të ftohur,mbështillet në roladë dhe futet në frigorifer.
Përgatitet një puding me 2 dcl qumësht të valë dhe 3 lugë sheqer.Shtohen 3 të verdha të vezëve duke e tundur masën vazhdimisht.Veçan tundet margarina e zbutur me 5 lugë sheqer pluhur dhe i shtohet masës së pudingut të ftohur .Të bardhat e vezëve tunden në bore të qëndrueshme,i shtohen kremit të ftohur,duke i përzier të gjitha mirë,gjersa të fitohet një krem i njëllojtë.Rolada pritet në 24 pjesë.Palosen në formë luleje në tri radhë nga 7 copa anash dhe nga një në mes.Të tri radhët lyhen me kremin e përgatitur.Në mes vihet një kapak kavanozi,që mesi të mbetet i verdhë,kurse pjesët e tjera përmbi dhe anash,lyhen me krem të rrahur të bardhë.

AKULLORE NË ENË AKULLI

2010-09-14T04:20:00.000-07:00

Përbërësit:8 vezë të freskëta,10 lugë sheqer,4 qeska krem të rrahur(shllag). Shijen mund ta ndërroni duke i shtuar arra,lajthi,bajama të grimcuara ose bluara,çokollatë të shkrirë,dredhëza,mjedra,banana etj. Të bardhat e vezëve tunden 3-4 min.Shtohet sheqeri dhe vazhdon tundja gjersa të përgaditet një marengë e dendur sikurse borë.Shtohen të verdhat e vezëve një nga një duke vazhduar tundjen.Kremi i rrahur përgaditet sipas udhëzimit në qeskë,pastaj bashkohet me vezët e tundura dhe përzihet me lugë në mënyrë që të mos bjerë shkuma.Derdhet në enë ku do të ngrihet dhe futet në friz për disa orë.Masës bazë mund t’i shtohen nga përbërësit e lartpërmendur,e në atë rast masa ndahet përgjysmë.Gjysma e masës përzihet me përbërës të dëshiruar dhe kur të derdhet në enë ku do të ngrihet,më pare hidhet akullorja bazë,e pastaj ajo e kombinuar. Akullorja mund të shërbehet në mënyrë atraktive në enë akulli.Reçeta për enë akulli gjindet në librin”1000 reçeta për çdo familje”.

Sallad Avokado

2010-09-14T04:17:00.000-07:00

Përbërësit për sallatë: sallatë e gjelbërt e çfardo lloji avokado misër bizele mish i bardhë pule majonezë

Dresing: lëngu i 2 limonave 3-4 lugë vaj ulliri 1 lugë e mesme mustardë(senf) 5 lugë salcë domatesh kripë piper

Në pjatë ovale,vendoset sallata e prerë në pjesë të mëdha.Avokadoja pritet përgjysmë,largohet bërthama,qërohet,pritet në pjesë të gjata dhe spërkatet me lëng limoni që të mos nxihet.I hidhen dy-tri lugë majonezë,përzihet mirë dhe vendoset mbi sallatë.Bizelet zihen sipas nevojës, si dhe misri dhe vendosen mbi avokado.Mishi i bardhë pritet në bërxolla të holla,kriposet,i hidhet piper dhe fërgohet nga të dyja anët gjersa të marrë ngjyrë të kuqrremtë.Pritet në pjesë të gjata dhe vendoset mbi sallatë. Në enë të thellë tunden 3 lugë vaj ulliri,lëng limoni,pak kripë,piper,1 lugëz sheqer,1 lugë e mesme mustardë.Shtohet salca e domateve,përzihet mirë dhe hidhet mbi sallatë. Kjo sallatë e begatshme mund ta zëvendësojë një drekë të lehtë ose darkë.

Bakllava

2010-09-14T04:16:00.000-07:00

Përbërësit:2 vezë të plota e 3 të verdha vezësh,1 gotë vaj e 1 qumësht,afro 600-700 gr miell i situr dhe të përzier me 1 pluhur paste(brumi zinet i butë),700 gr niseshte,1/2 kg arra të grimcuara ose të bluara,1/2 kg gjalpë.

Sherbeti:2 kg sheqer,1 lit ujë, lëngu i ½ limonit,1 sheqer vanileje.

Tunden vezët me pirun,shtohet vaji dhe qumështi.Në masën e përzier mirë,shtohet mielli pak nga pak dhe zinet një brumë i butë.Brumi ndahet në 10 pjesë,e pastaj nga çdo pjesë bëhen nga 5 toptha,gjithsej 50 toptha.Çdo topth hapet sa një pjatë e vogël dhe duke e përmillur me niseshte vehen nga 5 petë njëra mbi tjetrën.Pesë petët e bashkuara hapen dhe hollohen duke i përmillur me niseshte, në një petë të hollë dhe të madhe.Njëlloj veprohet me tërë masën e brumit.Nëse dëshirohet bakllava me petë të radhitura,atëherë petët e holluara vehen në tepsi njëra mbi tjetrën,duke i spërkatur me nga një lugë yndyrë.Pasi të hollohen dhe palosen në tepsi gjysma e petëve,vehen arrat dhe shtrihen nga të gjitha anët njëlloj.Hollohen edhe gjysma e petëve të tjera në të njëjtën mënyrë dhe vehen mbi arra.Pritet në formë delimash.

Nëse dëshirohet bakllava me petë të mbështjella në role,atëherë pasi të hollohet peta me 5 kuleçë,paloset gjer në gjysmë nga të dyja anët,poshtë dhe lartë.I hidhen arrat në mes në formë shiriti dhe mbështillet sikurse roladë,duke e palosur pjesën e lartë përmbi.Bakllava pritet në delima madhësish të dëshiruara dhe me lugë i hidhet gjalpi i shkrirë.Futet në furrë të nxehtë me temperaturë 170* C dhe sat ë futet në furrë,ulet temp.në 140*C për t’u pjekur dalngadalë për 11/2 orë ose edhe më tepër.Nëse bakllava skuqet mbi që në fillim,ajo mbulohet me letër dhe pjekja vazhdon gjersa të skuqen petët edhe në brendi.

Sherbeti:Vlohet 7 minuta nga çasti I vlimit,shtohet ½ limoni i grimcuar dhe lëngu i gjysmë limonit si dhe 1 sheqer vanileje.Pasi të largohet sherbeti nga zjarri,shtohet një gotë çaji ujë i ftohtë(në mënyrë që baklava mos të sheqeroset)dhe me sherbet të valë,përvëlohet bakllava e ftohur.Mbulohet gjersa ta pijë sherbetin.

Variant për mbushje:1 kg vishnje të pastruara nga bërthamat sheqerosen pak dhe në shirit vendosen në vend të arrave.Mund t’i hidhen pak arra të bluara, në mënyrë që ato ta thithin lëngun e vishnjeve.Gatuhet dhe piqet në të njejtën mënyrë sikurse baklava me arra.

Sheqerpare

2010-09-14T04:14:00.000-07:00

Përbërësit:1 kg gjalpë të zbutur,1 kg miell,12 të verdha vezësh dhe 1 e tërë,1 lugë çaji sodë buke,200 gr arra të grimcuara,2 kg sheqer.

Gjalpi i zbutur pritet në pjesë të vogla me thikë.Përzihet me dorë duke i shtuar vezët një nga një.Pasi të bëhet masë e njëllojtë,hidhet mielli i përzier me sodë dhe përzihet mirë. Brumi futet në frigorifer për 2-3 orë ose tërë natën.Nga brumi i përgatitur ndahen 45-50 gogla,të cilat hollohen sa një pjatë e vogël.Brumi i holluar paloset në katërsh dhe prapë rritet në katrorë,në diametër 10 centimetra.Në mes të çdo katrori qiten arra të grimcuara,bashkohen skajet dhe sheqerparet radhiten në tepsi të lyer me gjalpë.Furra nxehet në 200 gradë C dhe, sa të futet në furrë,ulet temperatura në 160 gradë C dhe piqet dalngadalë gjersa të marrë ngjyrë të kuqërremtë të lehtë.

Me të njënjtin brumë mund të përgatiten edhe sheqerpare në formë trëndafili.Brumi hollohet dhe me anë të gotës nxirren nga 4 rrumbullakë,të cilët e mbulojnë deri në gjysmë njëri -tjetrin,pastaj ndahen përgjysmë,hidhen arra në petën e parë dhe mbështillen trëndafilat.

Edhe sheqerparet e rrumbullakëta klasike,përgaditen me të njejtin brum.Këtyre mund t’u vendoset mbi nga një thelp arre.

Sherbeti:Sheqeri në tenxhere duhet të mbulohet me ujë për dy gishta.Hidhet ½ limon i prerë në flegra.Pasi të vlojë dhe të trashet sikurse sherbeti i bakllavasë,largohet nga zjarri,i shtohet 1 filxhan i kafes ujë i ftohtë dhe sheqerparja e ftohur përvëlohet me sherbet të nxehtë.

Në mënyrë që ta pijë më mirë sherbetin, sherbeti i hidhet me lugë sipër çdo sheqerpareje nga disa herë.Mbulohet me tepsi ose letër plastmasi gjersa ta pijë sherbetin.

Tollumbat

2010-09-14T04:12:00.001-07:00

Përbërësit:9 filxhan kafeje ujë, 1 filxh.kaf.vaj,një majë thike kripë,7 filxh.kaf.miell,3 filxh.kaf. niseshte,1 pluhur paste,6 kokrra vezë,1 litër vaj.

Sherbeti:1 ½ kg.sheqer,7 ½ dcl ujë,1 lëng limoni,1 sheqer vanileje.Sherbeti vlon 7 min.

Uji vlon me një majë thike kripë dhe 1 lugë vaj.Largohet nga zjarri.Hidhet mielli i përzier me niseshte dhe pluhur paste.Përzihet mirë dhe prap kthehet në zjarr që të fërgohet gjersa të ndahet nga luga dhe ena.Pasi të ftohet brumi,i hidhen vezët një nga një duke tundur mirë me mikser,gjersa të fitohet një brum i njëllojtë.Një litër vaj nxehet në tenxhere.Me brumin e përgatitur mbushet kaushi special me formë të dhëmbëzuar dhe nëpërmjet tij nxirren tullumbat drejtë në yndyrë të nxehtë.Hidhen pjesë pjesë duke i prerë me thikë në gjatësi prej afro 8 cm dhe fërgohen nga të gjitha anët gjersa të zverdhen në ngjyrë ari.Nëse skuqen shpejtë,ulet pak zjarri.Hiqen nga vaji me lugë të shpuar dhe futen drejt në sherbet të ftohur.Gjersa të fërgohen të dytat,të parat qëndrojnë në sherbet,pastaj largohen nga sherbeti,dhe palosen në një enë të thellë,e kështu veprohet gjersa të hargjohet i tërë brumi.Sherbeti që mbetet hidhet mbi tullumba ,në mënyrë që ato të lagen plotësisht në sherbet.Shërbehen me shurup trëndafili,limonadë,bozë etj.

Shije të veçant kanë nëse shërbehen 2 për person të vendosura në misuri mbi tamëloriz.

TAMËLORIZ

2010-09-14T04:07:00.000-07:00

Përbërësit:1 litër qumësht,1 filxhan i vogël kafeje oriz,2 lugë sheqer.

Në qumështin e nxehtë, por jo të valë,hidhet orizi i larë (ose orizi gjysëm i zier).Përzihet gjersa të fillojë të vlojë.Ulet temperatura dhe duke e përzier kohë pas kohe,zihet në zjarr të mesëm afro 1 orë,gjersa të zbuten dhe të copëtohen së zieri kokrrat e orizit.Hidhet sheqer ose një majë thike kripë sipas shijes,vlohet edhe 5 minuta,pastaj derdhet në misuri.Mbi mund t’i hidhet kanellë ose arra të bluara.Shërbehet pasi të ftohet mirë .Me tamëloriz preferohet të shërbehen tullumba të vendosur mbi të.

Torte me Drethë ( DREDHËZA )

2010-09-14T04:02:00.000-07:00

Përbërësit:
700 gr dredhëza
Kremi:
½ lit.qumësht
2 qeska puding vanileje
6 lugë sheqer
½ lit.ajkë qumështi
Patishpani:
5 vezë
5 lugë sheqer
5 lugë miell
1 qeskë sheqer vanilje
lëvore limoni

Dredhëzat lahen dhe kullohen mirë.Pudingu me 6 lugë sheqer ulet në 8 lugë qumësht.Pjesa tjetër e qumështit vlohet.Hidhet pudingu në qumështin valë duke e përzier vazhdimisht me tel kuzhine,gjersa të trashet dhe t’i marrë disa valë.Ena me puding vendoset në ujë të ftohtë. Tundet ajka.Veçohet një pjesë për zbukurim.Pjesa tjetër vazhdon të tundet sa të trashet edhe pak.Pudingu i ftohur tundet edhe njëherë me mikser dhe gradualisht i shtohet ajka duke e tundur kremin në masë të njëllojtë.
Përgaditet patishpani me artikujt e lartpërmendur dhe piqet në furrë me temperature 200 gradë C për afro 12 min.Ftohet pak dhe pritet vertikalisht në tri pjesë.Vendoset njëra kore në tabaka,spërkatet me sherbet ose qumësht dhe lyhet me krem.Duke i pastruar nga bishtat dredhëzat,ato vendosen mbi krem të tëra ose të përgjysmuara.Lyhen mbi me krem, vendoset korja e dytë,për të vazhduar njëllojë krem-dredhëza-krem.Mbi vendoset edhe korja e tretë.Pasi të spërkatet me sherbet,zbukurohet me ajkë dhe dredhëza.Torta mire është të ftohet 3-4 orë,pastaj të shërbehet.

Pite nar Saç

2010-08-04T08:26:00.000-07:00

Nëna

Tringa Gjonaj Triesh Malci e Madhe

Fli Dardane ( Kosove )

2010-06-22T05:01:00.000-07:00

Per brumin duhet: 1 kg miell,
3-4 gota ujë, kripë,
Per masën duhet: 200 gr gjalpë, 500 gr mazë
2 filxhana kafje ajkë, 3 lugë vaj.

Në një enë hidhet miell, kripë, ujë i ftohtë dhe përzihen në një brumë të hollë si për petulla. Në një enë tjetër shkrihet gjalpë, ajkë, vaj dhe qumësht, përzihet masa e krijuar derisa të gjithë përmbajtësit të jenë skrirë në një masë të vetme, Lyhet tepsia me yndyrë dhe me një lugë merret brumi i hollë dhe hidhet nga cepi i tepsisë deri afër mesit dhe krijohen rradhë të cilat mbulojnë gjithë tepsinë. Mesi i cili është bosh mbushet me rradhë paralele .(shih skicën) Gjithë sipërfaqja lyhet me masën e përgatitur dhe futet në furrën e ngrohur. Kjo piqet për 3-5 minuta. Nxirret nga furra për të vazhduar me rendin tjetër. Brumi i hollë tashmë hidhet në të njëjtën mënyrë por midis dy rradhëve derisa të jetë mbuluar e gjithë tepsia. Përsëri lyhet me masën dhe piqet për 3-5 minuta. Kjo procedurë vazhdon derisa të mbushet...

Oxhaku

2010-02-04T07:20:00.000-08:00

Qingji Ferrlik

2010-02-04T07:19:00.001-08:00

2010-02-04T07:18:00.000-08:00

2010-02-04T07:17:00.000-08:00